Молитва Св. Архангелу Михаилу
Господи Боже великій, царю безначальный,
Пошли, Господи, архангела своего Михаила
На помощь рабу твоему (имя),
И защити мя от врагъ моихъ, видимыхъ и невидимыхъ.
О, Господень великій архангеле Михаиле,
Излей мира благаго на раба твоего (имя).
О, Господень великіи архангеле Михаиле,
демоновъ сокрушителю
Запрети всѣмъ врагамъ борющимся со мною,
Сотвори ихъ яко овцы
И сокруши ихъ яко прахъ предъ лицомъ вѣтра.
О, Господень великіи архангеле Михаиле,
Первый княже и воеводо небесныхъ силъ херувимовъ
И серафимовъ и всѣхъ святыхъ,
О, чюдный архангеле Михаиле, хранителю не изреченный,
Буди ми помощникъ во всемъ:
Въ обидахъ, въ скорбѣхъ и печалѣхъ,
Въ пустыняхъ, на моряхъ и на рѣкахъ, тихое пристанище;
Избави мя, великій архангеле Михаиле,
Отъ всякія прелести діявольскія;
Егда услышиши мя, грѣшнаго раба твоего (имя),
Ускори на помощь мою и услыши молитву мою.
О, великій архангеле Михаиле,
Побѣди вся противящіяся мнѣ силою честнаго
И жівотворящаго креста Господня
И молитвами пречистыя Владычицы нашея Богородицы
И приснодѣвы Маріи и святыхъ отецъ и архангелъ,
И св. апостолъ, и св. пророка Иліи,
И св. Николы чюдотворца,
И св. великомученикъ Никиты и Евстафія,
И преподобнаго отца нашего Нифонта
И преподобныхъ отецъ
И Святых святителей и всѣхъ святыхъ,
Аминь.
О великій архангеле Михаиле, помози мнѣ,
Грѣшному рабу твоему (имя),
Избави мя отъ труса, и потопа, отъ огня и меча,
И отъ напрасныя смерти, и отъ всякаго зла,
И отъ бури наносимыя, и отъ лукаваго избави мя,
Великій архангеле Михаиле Господень,
Всегда и нынѣ и присно и вовѣки вѣковъ,
Аминь.
